ياللا باي بقا,,اتنفخت,,بقالنا نص ساعة بنقول بااااي؟!؟!؟!
خلاص ماشي يا فالحة....سووييت دريممزز
و لسه باكتب,و باضغط enter,,ضغطت و ببص...
لقتها كتبت قبلي
((أنا أساسا بطلت أحلم من زمااااان))
,,و جملتي بعديها مكتوبة...
"أحنا أساسا مابنحلمش...دانا والله بافكر و انا نايم"
و جملة تانية ظهرت بسرعة رهيبة,,كأنها متعودة تتكتب,,او هيا كده عملنها جملة ستاندرد عالمسنجر عشان ناس كتير بقت تستخدمها,,زي bye كده بالظبط..ز
((أنا مش بانام خالص اساسا))
"لول,,ايه خالص اساسا دي؟؟:p:p...بس أنا كمان بانام ساعتين و نص ف اليوم"
طبعا الحوار طول خمساية بعد كدة,,وأنا باحاول أني اقنعها أن أني ماقولتش كده عشان باحاول أبقا شبهها ف كل حاجة يعني عشان معجب بيها,,بس عالفاضي...هيا مش مسدقة...ولا أنا..بس مش دي المشكلة...المشكلة أكبر من كده بكتير..أكبر مننا أحنا لاتنين...
.أيام ماكنت اهبل و باكتب نووتس تعبانة(قال يعني دلوقتي فيه فرق),,كنت كاتب نووت اسمها باحلم..ممكن ابقا احطها هنا(دي حتا مالعصر الذهبي اللي النووتس بتاعتي كانت تعبانة فيه,,مش تعبانة أوي أوي زي دلوقتي) ...المهم,خلاصتها ان انا بطلت احلم من زمان...
لقيت بتاع خماناشر تماناشر واحد عاملين كومنتس...ماشي حلوة و بتاع..النفاق العادي اللي انا توقعتو لما عملتلهم تاج..بس عال"تشات"..نفس الخماناشر تماناشر دول قاالو انهم برضه من زمااااان بطلو يحلمو...واحد قاللي يعني
ايه حلم in the 1st place ؟؟...
أنا اتصدمت...اي نعم قعدت نص ساعة باتأكد انه مش بيستهبل عليا..طلع فعلا مش فاكر اخر مرة حلم فيها,,و قاللي ان نفسي ف عربية,,ينفع نعتبر ده حلم؟؟
قلتله ماشي..أهو ده hope,,أو wish...بس ماشي اهو كلهم حاجة واحدة in the same 1st place برضه....
معقوووول؟؟؟
معقوووول وصل بينا اليأس؟؟؟؟وصلت بينا ديقة النفس و الخلق؟؟؟
معقول واقعنا دمر أحلامنا؟؟؟لأ دمر الجزء ال ف دماغنا المسئول عن أحلامنا؟؟؟حطه ف غيبوبة مستمرة؟؟
طب ده الحلم كان هوا اللي بيغير الواقع؟؟من غير حلم...هنفضل علا نفس الواقع اللي بيتدهور أساسا؟؟؟
طب يعني اللي بعدينا بقا هيتولدو من غير جزء الاحلام اياه؟؟؟ماهو مابيستخدمش..يبقا علا رأي داروين..مش هايتخلق فينا مالأصل!!!!
مش عارف!!!و مش هاتكلم كتير ولاهافتي لأني أساسا من المرضى ..ازاي هاتكلم عالعلاج؟؟؟
المرض:dReAmlEsS sLeEpLeSs NiGhTs....!!!!!!!!
عدد المصابين:غير محدد
النوع:معدي بغباء
العلاج:تامي فلو..أو تمنايتين حشيش هايعلو معاك و يطلعو بيك السما
,أو الحبوب الللي ف علبة المنوم كلها...
و ساعتها اكيد هاتحلم...
ليست هناك تعليقات:
إرسال تعليق