أوصفني

أوصفني...مجرد كلمة...قصدي مجرد جلمة...سواء مكتوبة مقروءة أو متقالة...من وااحد...مخنوق...وحاسس بالملل من نفسه...معدوم الثقة...

مجرد طلب...بالذوق أو بالعافية من الناس أنها تنافقه..و توافقه...على أنه حلو أوي..و جميل أوي..و طيب أوي....و أي حاجة حلوة أوي...

أوصفني ليها مترادفاات كتييير..واحد يجيلك يقوللك "أوصفني"...أو "قول الاغنية اللي بتعبر عني"...أو "قول أكتر كلمة مناسبة ليا"...أو "أنصحني"...أو "لو هاموت بكره و ينفع تقوللي حاجة واحدة بس هتكون ايه"...و كل اسئلة برنامح الشقة دي...كلها مجرد ريكوستات...و بيترد عليه بحاجة من الاتنين...يا اما بجاحة..وقلة أدب...يا اما لذاذة....علا غرار "طز!!"..أو"هتموت بكرة؟اكتب أسمي ف الوصية؟؟....أو ف ستين داهية!!"... و باقي الردود المشلة دي.....

يا اما نفاق..و هو ده الغرض منها أساسا..."دانتا عسل أساسا"...ترجمتها دانتا عيل مزز...عيل حمضان......"بص هو أنت عايز كلمة واحدة..بس ماينفعش..أنا هاقول الحقيقة..أنت جميل و طيب و سكسي و قمر و فاني أوي"..و دي معناها أمشي يا قرد يا سوسة..يا سوسة!!".."لو كنت بنت كت أتجوزتك"... ودي معناها مصيرك هاتعنس..أو روح موت نفسك..بس بلغة مؤدبة...

أوصفني..مجرد طلب...يدعم السلف استيم..و يا سلام بقا لو كان بالعافية...عال FACEBOOK يعمللك تاج...تلاقي ال notifications بترف علا دماغك زي الميا مابترف علا دماغ المكرونة و انتا بتعمل شوربة...و تدخل تلاقي اعجاز...ايه ده؟؟امبارح كانت صحرا النهارده عندي 32 notification,,,مواههههاااا!!!...تدخل تلاقي كلهم زي بعض...مش عارف مين عمل كومنت عالفوتو بتاعت حسنين.."تييت تيييت حسنين عالفوتو بتاعته"...لأ وتشيل ال التاج تلاقيه عمله تاني..دي حاجة صعبة أوي...خلاص مافيش ثقة فالنفس...كل واحد حب واحدة و هجرته...أو خايف يقولها..أو مرايته وزتله بالحقيقة المرة...أنه كائن لا انساني...كائن فضائي...يروح للناس يقولوهم أوصفوني..بس عشان يسمع منهم أنهم مش أحسن حالا...و أن مصر لسه بخير....بجد حاجة صعب (موووت موووت أخر حاجة أو حاجتين أو يمكن تلات حاجات)...

ربنا ما يوعدك بصاحب كده...و لو انت نفسك كده..

يبقا سلام!!!