يا سلاااام لما تفتح الفيسبوك كده تلاقيلك كام notification كده ... . و تفتحهم و انت فرحان جدا و لسان حالك بيقول: يااااه كل دى ناس عملالى comments أو كتبالى علwall أو يمكن مش عارف مين عمل confirm للريكوست اللى انت بعتهولو منذ القدم بس هوعامل نفسه مش واخد باله و راكن ال request جنب اخواته...
و تفتح ال notifications و يا ريتك ما فتحت...تفاجأ (قال يعني) ان كل ده ما هو الا شوية applications بعتة شوية notifications ملهاش اى لزمة في الحياة...ده انا فيه quiz كدة اسمه 100 percent me كل يوم يبعتلى notification بتقول ايه:
"100percent me"
يعنى... هو تقريبا بيفكرنى ان انا فى يوم من الايام اخدت ال quiz ده و تقريبا بيحاول يخليني اندم ان انا أخدته...
و يا سلام بأة لو حد عملك تاج في صورة من بتوع describe me in one word/song او اي حاجة من هذا القبيل و طبعا عامل تاج لناس تانية معاك... و مش بعيد يكونوا ناس ملكش اي علاقة بيهم و فجأة اذا بهم قد قلبوا الصورة الي chat room و طبعا كل ده بيتبعتلك علي هيئة notifications و انت فرحان اوي بنفسك قال ايه ... .
عندى notifications كتيرة!!!
سلامات (على رأى عسيلي)
ليست هناك تعليقات:
إرسال تعليق