ركوستات ريكوستات ريكوستات....

بصفتي من مستخدمي الفيسبوك من اكتر من تلات سنين اقدر اقدم هذا الreview عن هذا الاختراع القديم الجديد

فى الهوم بيج علي ايدك اليمين كدة هتلاقى الريكوستات: friend‎ ‎requests‎‏ ‏كتير جدا من ناس ما تعرفهمش بس مش عايز تعمل ignore ‏عشان يمكن لو عملتله add تبقي كسبت صاحب جديد تكلمه فى حاجات جديدة ولا عايز تعمله confirm‏ ‏عشان برضه نص اختيار الصديق بتاع تانية ثانوي بيقول ايه بيقول "و انبساطك اليهم يكسبك صديق السوء" و بعد كل ده بينتهى بيك الأمر ان انت تسيب الريكوست كدة متعلق و تتراكم الريكوستات الى ان تصبح غير قابلة للتفكير فيها بعد الان ى تفضل كدة متعلقة الى ما لا نهاية

غير ال''friend requests'' بأة هتلاقى وفرة وفيرة من الريكوستات الاخري المتنوعة من(quiz‎ ‎requests‎ ‎‎‎‎, ‎cause‎ ‎requests‎‎‏ ‏,gift‎ ‎requests‎ ‎,yoville‎‎ ‎requests,‎ ‎movies‎ ‎challenges ‎‎‎‎‏)‏

و ما الى ذلك من الريكوستات الوفيرة على حد تعبيري من شوية و طبعا من المتوقع ان مصير هذه الريكوستات سيكون زى مصير أخواتها الا و هو التجاهل التام أو الموت الزؤام

عن تجربتى الخاصة مع هذه الريكوستات......

فى يوم من الايام اللى كنت فاضية فيهم لقيت عندي ١١٩ ركوستس لا يزيدوا ولا يقلوا الى ان تفتق ذهنى الفاضى فى ذلك الوقت عن فكرة عبقرية : أنا هعمل''ignore‎''‏ ‏لكل الريكوستس

و فعلا بدأت في تنفيذ الفكرة

ignore

ignore

ignore

.....ign

refresh

ignore

ignore

ignore

....igno

Refresh

طبعا انتو حسيتوا بمدى ملل هذه العمليه..... بس مازالت الريكوستس بنفس الرقم اللى بدأت بيه!!!! و طبعا تفتق ذهنى الى التفسير الوحيد لهذه الظاهرة : أكيد الريكوستس كتيرة جدا لدرجة ان البيج بقت طويلة جدا لدرجة ان الحتة الصغيرة اللى فى ال'' scroll‎ ‎bar''‏ ‏اللى بنحركها دي ... . بقت صغيرة جدا لدرجة انها بقت غير مرئية بالعين المجردة فاضطرت ادارة الفيسبوك الى أخفاء بعض هذه الريكوستات عقابا للمستخدم الى ان يعمل زي ما انا عملت فيجد هذه الريكوستات المدفونة منذ سنين ... .

و أخيرا وصلت لاول انجاز عملته في حياتي الفيسبوكاوية

YOU HAVE NO REQUESTS

بعد الشعور بالفخر و السعادة الغامرة لدقائق قليلة عاد الملل يداهمنى تانى و عدت الى الحياة الفيسبوكاوية الطبيعية لكن مع وجود اختلاف صغير: هذه الحياة ... . بدون ريكوستس ... .

نرجع للهوم بيج و ما الفيس بوك الا هوم بيج كبير ... .

هتلاقى فيه حاجات و حاجات

posts , status updates , fan pages, videos,applications, games.....etc.

و مين عيد ميلاده امتى و مين عامل ازاى و مين و مين و ايه ... .ده غير ال notifications بأة...دي عايزالها قعدة لوحدها

الى ان نلتقى تانى....سلامات (على رأى عسيلى)

**على فكرة انا لسة مخلصتش review....